Stjarnan hélt í Digranesið sl. miðvikudag til spila bikarleik gegn liðið HK. Í fyrra náði HK að slá Stjörnuna óvænt út úr bikarnum og því átti Stjarnan harma að hefna.

Stjörnustelpur settu fyrsta markið en HK svaraði strax með marki úr vítakast og komst síðan yfir nokkrummínútum seinna með marki úr öðru víti. Þá kom ágætur kafli hjá þeim bláklæddu sem leiddu eftir 10 mínútna leik 2-4. Næstu mínútur jafnaðist leikurinn aðeins og eftir rúmar 20 mínútur var staðan orðin 7-6 HK í vil. Þá kom flottur kafli í vörninni og náðu Stjörnustelpur fjölmörgum hraðaupphlaupum og náðu að breyta stöðunni í 9-12 sér í hag. HK náði aðeins að laga stöðuna og því munaði aðeins þremur mörkum í hálfleik 10-13.

HK byrjaði heldur betur í seinnihálfleiknum og eftir 5 mínútur var staðan 13-14 en Stjarnan náði þá aftur góðum kafla og sleit sig aðeins frá og leiddi 14-18 eftir tíu mínutna leik. HK minnkaði muninn í 16-14 en Stjarnan svaraði með öðru áhlaupi 16-21. Þá kom slæmur kafli og HK gekk á lagið og minnkaði muninn í eitt mark 20-21 og níu mínútur eftir af leiknum. Stjörnustelpur voru sterkari á endasprettnum og innbyrtu góðan sigur 22-25. Skotnýting liðsins var 58% og sóknarnýting aðeins 39%. Þessi slaka sóknarnýting kom ekki að sök í dag þar sem varnarleikurinn var aldrei þessu vant í ágætu lagi og markvarslan jöfn og góð.

Stjarnan er því komin í úrslit og mun leika gegn Val þann 8. febrúar nk.

Markaskorar Stjörnunnar: Solla 7, Hanna 6 (1v), Jóna 6, Rut 3, Hildur 2 og Þórhildur 1 mark.
Fengin víti: Esther 1 og Jóna 1.

Kristín stóð allan tímann í markinu og varði ágætlega eða 10 bolta og fór aðeins 1 aftur til mótherja.

Stjarnan heimsótti Gróttu út á Seltjarnarnes á laugardaginn. Leikurinn byrjaði vel fyrir Stjörnuna sem lék á alls oddi í vörninni og uppskar fjölmörg hraðaupphlaup. Eftir fimm mínútna leik var staðan 0-4. Þá kom fremur slakur kafli og Gróttan náði að minnka muninn í eitt mark 4-5 en þá gáfu Garðabæjardömur aftur í og skoruðu fimm mörk í röð og náðu öruggri forystu 4-10. Áfram héldu Stjörnustelpur að skora og þegar tíu mínútur voru eftir var staðan 5-14. Þá kom aftur slæmur kafli og Grótta minnkaði muninn í 10-15 en Stjarnan tók þá annan kipp og gekk til leikhlés með örugga forystu 10-20. Eins og þessar tölur bera með sér var sóknin í ágætu lagi. Hraðaupphlaup sem fengust þegar boltinn var unninn í vörn eða varinn voru fjölmörg og tæknifeilar fremur fáir.

Seinni hálfleikur byrjaði frekar skrykkjótt og eftir tíu mínútna leik hafði munurinn minnkað örlítið en þá var staðan 16 -25. Næstu tíu mínútur var lítið skorað en Stjörnunni gekk þó heldur betur að koma boltanum í mark - staðan þá 18-29. Seinustu tíu mínúturnar fékk varamannabekkurinn að spreyta sig að spreyta sig ásamt þremur byrjunarliðsmönnum og héldu vel í horfinu og innbyrtu að lokum örugguan tólf marka sigur 22-34.Tæknifeilar í seinni hálfleiknum voru fjölmargir – eða 18 talsins og má skrifa flesta þeirra á einbeitingarleysi og tæpar sendingar.

Skotnýting liðsins var mjög góð í leiknum eða 73% en vegna fjölda tæknifeila í seinni hálfleik var sóknarnýtingin ekki nema 47%. Markvarsla í leiknum var ágæt í heildina. Þetta var leikur þar sem hraðaupphlaupssérfræðingarnir fengu vel að njóta sín eins og skortölur bera með sér.

Markaskorar Stjörnunnar : Jóna 8 ( 5v), Solla 8, Hildur 7, Hanna 5, Esther 2, Þórhildur 1, Lilja 1, Rut 1 og Guðrún Hrefna 1 mark.

Fengin víti: Þórhildur 2, Solla 2 og Esther 1.

Kristín stóðð í markinu í fyrri hálfleik og varði 9 bolta og þar af fór 1 aftur til mótherja. Hún átti líka nokkrar flottar sendingar fram sem gáfu mörk. Helga Dóra stóð í markinu í seinni hálfleik og varði 6 skot og þar af fóru 2 aftur til mótherja.

Flora mætti í Mýrina í kvöld ásamt sínum nýju félögum í ÍBV. Það var gaman að sjá Floru aftur á vellinum en þó ekki eins gaman að horfa á hana í „hinu“ markinu.

ÍBV skoraði fyrsta markið eftir nokkra sekúndna leik en Stjarnan jafnaði fljótlega. Jafnræði var með liðunum fram undir miðjan hálfleik en hafði Stjarnan þó oftar frumkvæðið og fékk oft möguleika á að komast í góð hraðaupphlaup en fjölmargir sendingafeilar og rangar ákvarðanir reyndust liðinu dýrkeyptar og í stað þess að ná einhverju forskoti missti liðið ÍBV stelpurnar allt í einu fram úr sér í stöðuna 6 - 8. Sá munur hélst síðan út leikinn og þegar flautað var til hálfleiks munaði tveimur mörkum, 12-14, sem var í raun ótrúlega lítill munur þar sem leikur liðsins hafði ekki verið upp á marga fiska. Einir 11 tæknifeilar, tæplega 50% skotnýting og lítil markvarsla byggir nefnilega ekki upp forskot hjá neinu liði.

Seinni hálfleikur byrjaði nokkuð vel hjá Stjörnustelpum og náðu þær að jafna eftir 7 mínútna leik 16-16 en þá kom hörmungarkafli hjá liðinu, þar sem boltinn virtist ekki geta komist fram hjá Floru í markinu og markvarsla og varnarleikur var eiginlega ekki til staðar. Á þeim tíma náði ÍBV 6 marka forskoti 16-22. Þegar tíu mínútur voru eftir byrjuðu Stjörnustelpur loksins að bíta frá sér og náðu með harðfylgni að minnka muninn í tvö mörk áður en leiktíminn rann út. En lengra komust þær ekki ðg töpuðu sanngjart.

Það er athyglivert að liðið virðist ekki getað spilað einum fleiri og tapar þeim kafla yfirleitt örugglega. Þetta hefur margoft gerst í vetur og í kvöld var sama upp á teningnum. Skotnýting margra lykilleikmanna var alls ekki góð í kvöld og sendingar liðsmanna oft á tíðum algerlega út í móa. Mikill munur var á markvörslu liðanna. Flora varði eina 24 bolta fyrir gestina en Stjörnumarkverðirnir vörðu 10 bolta samtals og fóru 3 af þeim aftur til mótherja.

Skotnýting var 46 % sem er alls ekki nógu gott og sóknarnýting afar slök eða 35%.

Það er fátt jákvætt hægt að segja um svona leik og því ætla ég einungis að nefna að barátta var í varnaleiknum oft á tíðum.  En miðað við þennan leik – þá er Stjarnan „í bullandi vandræðum“ á mörgum vígstöðvum og langt í frá öruggar með sæti meðal 4. efstu í deildinni.

Markaskorar: Hanna 6, Solla 6, Jóna 5 (3 v), Þórhildur 2, Sandra 2, Rut 2 og Arna 1 mark.
Kristín varði 6 bolta og fóru 3 aftur til mótherja. Helga Dóra varði 4.

Í annað sinn á tæpri viku leiddu Stjarnan og Haukar saman hesta sína. Bæði lið léku með sorgarbönd í kvöld vegna andláta manna sem tengdust félögunum og fyrir leik var einnar mínútu þögn í minnigu Ingva Guðmundsonar fyrrum formanns Stjörnunnar. Jóna Margrét var fjarri góðu gamni að þessu sinni en sem betur fer kom það ekki að sök.

Leikurinn gegn Haukum í Mýrinni byrjaði með látum. Stjörnustelpur spiluðu fína vörn og renndu sér í hvert hraðaupphlaupið á fætur öðru og efti 8 mínútna leik var staðan orðin 6-0. Haukar skoruðu sitt fyrsta mark á 10. Mínútu en Stjarnan hélt áfram að hlaða inn mörkum – aðallega úr hraðaupphlaupum og eftir 20 mínútur var staðan 13-4 og þrátt fyrir að Haukastelpum tækist að tvöfalda markaskor sitt á þeim tíu mínútum sem eftir voru þá jókst munurinn bara og í hálfleik var staðan orðin 20-8 og úrslit leiksins í raun ráðin. Liðið gerði einungis 6 tæknifeila í fyrrihálfleik og er það besti árangur sem liðið hefur náð tæknifeilalega séð í vetur.

Meiri værð var yfir Stjörnunni í seinni hálfleik og fljótlega fóru varamennirnir að tínast inn á völlinn . Um miðjan hálfleik var staðan orðin 28-14, þrátt fyrir þó nokkra tæknifeila og mestur varð munurinn 16 mörk eða 32-16 þegar 9 mínútur voru eftir af leiknum. Þá misstu Stjörnustelpur tvo leikmenn af velli með stuttu millibili og léku m.a. fjórar í útilínunni dágóða stund og náðu Haukastelpur að laga stöðuna aðeins við það en leikurinn endaði svo með öruggum stórsigri 35-22. Skotnýting liðsins var 63% og sóknarnýting 49%. Þetta var seinasti leikurinn fyrir landsleikjahléið og gott að enda á stórum og öruggum sigri.

Hún harðsnúna Hanna hélt uppteknum hætti frá seinasta leik og skoraði grimmt gegn sínu gamla liði enda gáfust mörg tækifæri til þess þar sem hraðaupphlaupin gengu vel í kvöld. Solla var að venju baráttuglöð og iðin í markaskorinu en átti óvenjumarga tæknifeila að þessu sinni. Esther lék á miðjunni lengst af í dag og lét boltann ganga mjög vel en hefði getað nýtt skotin sín aðeins betur. Rut átti ágætisleik í kvöld á báðum vallarhelmingum. Guðrún Hrefna og Helena komu inn á í seinni hálfleik og sýndu flotta takta og skoruðu fín mörk. Hildur var ekki alveg að finna sig í skotunum sínum í kvöld en spilaði fína vörn eins og hinar í liðinu. María og Sandra skiptu aðallega á milli sín línustöðunni og stóðu sig ágætlega. Brynja var baráttuglöð og stóð sig vel. Lilja kom inn á í fyrri hálfleik en meiddist illilega á ökkla í hraðaupphlaupi og gat því ekki tekið meira þátt. Kristín átti prýðilegan leik í fyrri hálfleik og Helga Dóra sem kom inn á í þeim seinni einnig.

Markaskorar Stjörnunnar: Hanna 12, Solla 5, Esther 3, Rut 3, Guðrún Hrefna 3, Helena 3, María 2 , Hildur 2 og Brynja 1 mark.

Kristín varði 10 skot og þar af fóru 3 aftur til mótherja. Helga Dóra varði 7 og fór 1 aftur til mótherjanna.

Stjarnan átti útileik gegn Haukum í 16 liða úrslitum Eimskips-bikarkeppninnar á Ásvöllum í kvöld. Slæðingu af fólki var á leiknum en Stjörnufólk hefði alveg mátt vera fjölmennar og stundvísara á leikinn.

Stjörnustelpur skoruðu fyrsta markið úr hraðaupphlaupi en Haukarnir jöfnuðu í næstu sókn. Stjarnan skoraði nokkrum mínútum seinna eftir nokkrar misheppnaðar sóknir en Haukarinr náðu að jafna fljótlega. Svona gekk þetta fyrstu 20 mínúturnar og þá var staðan jöfn 9-9 og allt stefndi í óþarflega spennandi leik. Seinustu tíu mínúturnar náðu Stjörnustúlkur yfirvegun í sóknarleiknum og þéttu vörnina um leið og náðu að slíta sig aðeins frá Haukunum fyrir hálfleik en þá voru tölurnar 9-13 Stjörnunni í vil og höfðu flest mörk liðanna komið eftir hraðaupphlaup hjá Stjörnunni en uppsetta sókn hjá Haukunum.

Stjarnan byrjaði með látum í seinni hálfleik og eftir 10 mínútna leik var staðan orðin 10-19 . Á þeim tíma var vörnin einkar virk og sóknin skynsamleg og árangursrík. Eftir 23 mínútur var staðan 14-24 og úrslitin í raun ráðin. Þessi 10 marka munur hélst síðan út leikinn þrátt fyrir að öllum varamannabekknum væri skipt inn á seinustu 7 mínúturnar. Lokatölur urðu 18-28 og Stjarnan komin í 8 liða úrslit. Skotnýting liðsins var 56% og sóknarnýting 44%.

Hanna var atkvæðamest á sínum gamla heimavelli og kunni greinilega vel við sig í Haukahúsinu. Hildur og Solla voru eldsnöggar og marksæknar í hornunum og léku verulega vel. Jóna skoraði sinn venjulega skammt af flottum mörkum utan af velli og var mjög drjúg. Esther kom inn á eftir 20 mínútna leik og lék meira og minna í sókninni eftir það og átti mjög sólid leik, nýtti skotin sín vel og spilaði mjög vel fyrir liðið. María lék lengst af á línunni en náði ekki að setja mark sitt á leikinn frekar en hinir tveir línumennirnir sem spreyttu sig á línunni, þær Sandra og Lilja. Rut hitti ekki á sinn besta leik sóknarlega í kvöld en barðist að venju vel í vörninni. Ungu stelpurnar Guðrún Hrefna, Helena og Brynja léku seinustu mínúturnar og stóðu sig ágætlega þó þær hafi ekki náð að skora. Kristín átti ljómandi leik í markinu, einkum í fyrri hálfleik. Helga Dóra kom svo með góða innkomu seinustu mínúturnar.

Markaskorar Stjörnunnar: Hanna 7 (1v), Hildur 6, Jóna 6, Solla 6 og Esther 3 mörk.

Kristín varði 13 skot og fóru 3 til baka. Helga Dóra varði 2 bolta.

Markaskorar Hauka:

Haukar: Ásta 5, Karen 4, Marija 3, Herdís 2, Viktoría 2, Erla 1, Elísa 1.

Sólveig markvörður Hauka varði mjög vel í leiknum eða 18 skot og fóru 5 aftur til mótherja.Hinn markvörðurinn (  sem ég tók því miður ekki eftir nafninu á) varði 1 bolta.